19:54 / 25.03.2022
Mbyllet pa fitues ndeshja mes Kosovës U21 dhe Sllovenisë U21
Ka përfunduar pa fitues ndeshja në stadiumin “Fadil Vokrri”, ku Kombëtarja e Kosovës për grupmoshat U21 luajti kundër asaj të Sllovenisë.
Ndeshja e sotme ishte e vlefshme për kualifikimet drejt Kampionatit Evropian Euro 2023 për U21, ndërsa pas 90 minutave lojë të zhvilluara, rezultati ishte 0:0.
Të dy kombëtaret kishin rastet e tyre për të gjetur golin, po pavarësisht këtyre tentimeve, portierët si ai Nreca-Bisinger i Kosovës dhe Turk i Sllovenisë arritën që t’i mbajnë portat e paprekura.
Kosova gjendet e pesta në tabelën ku kryeson Republika Çeke, ndërsa Sllovenia e treta.























