Haxhiu e Trendafilova diskutojnë për punën e Gjykatës
Ministrja e Drejtësisë, Albulena Haxhiu, është takuar sot me kryetaren e Dhomave të Specializuaranë Hagë, Ekaterina Trendafilova.
Gjatë këtij takimi zyrtar u diskutua lidhur me punën e Gjykatës, rregullat e aplikueshme,transparencën, ndihmën juridike falas si dhe çështje të tjera me rëndësi që përfshihen në mandatin e Dhomave të Specializuara, thuhet në komunikatën e ministrisë.
Kjo është dita e tretë e vizitës zyrtare të ministres Haxhiu në Hagë, ndërsa më parë ka takuar një pjesë të ish-krerëve të UÇK-së.
Haxhiu ka takuar ish-pjesëtarët e UÇK-së, Jakup Krasniqi, Rexhep Selimi, Hysni Gucati, Nasim Haradinaj dhe Pjetër Shala.
Takimin me ministren Haxhiu e kanë refuzuar ish-presidenti Hashim Thaçi, dhe ish-kryetari i Partisë Demokratike të Kosovës, Kadri Veseli.























