Kurti premton mbështetje ndaj sektorit të inovacionit në vend
BKT
Lajme

Kurti premton mbështetje ndaj sektorit të inovacionit në vend

Kryeministri i Kosovës, Albin Kurti, ka premtuar sot mbështetje ndaj sektorit të inovacionit në vend.

Në Ditën Botërore të Inovacionit dhe Kreativitetit, kreu qeveritar ka thënë se inovacioni është katalizator transformues, se si Kosova mund të ndryshojë mënyrën e krijimit, prodhimit dhe shitjes së produkteve.

“Inovacioni është katalizator i ndryshimit transformues. Kosova ka nevojë të transformojë mënyrën se si krijojë, prodhon dhe shet produkte. Na nevojitet kreativiteti për ndërtuar dhe prodhuar shërbime të reja dhe për të gjetur mënyra për t’i shituar ato. Derisa qeveria të përkrahë inovacionin dhe botën inovative të krijohet baza ligjore dhe me ndihmën e miqve dhe partnerëve ndërkombëtarë, por vetë inovacioni buron nga populli dhe vetë njerëzit që janë të motivuar të ndërtojnë, krijojnë dhe shesin produktet dhe shërbimet e tyre”, tha ai.

Përkrahje ndaj inovacionit dhe kreativitetit ofroi edhe ministrja e Industrisë, Ndërmarrësisë dhe Tregtisë, Rozeta Hajdari, nën përkujdesjen e së cilës është organizuar diskutimi për inovacion.


MË SHUME NGA Lajme