Tasholli: Berlini presion Kosovës e Serbisë
BKT
Foto: Fitë Dushi/RTK
Lajme

Tasholli: Berlini presion Kosovës e Serbisë

Fadil Sertolli / RTKlive

Kancelari i Gjermanisë, Olaf Scholz, sot  do ta presë në Berlin, kryeministrin e Republikës së Kosovës, Albin Kurti dhe presidentin serb, Aleksander Vuçiq.

Për analistin politik, Ismail Tasholli, Berlini me idenë e rritjes së presionit për të dyja palët, po mundohet të tregoj seriozitet në dialogun Kosovë -Serbi.

Madje siç shprehet ai besimi i Evropës është paksa i zbehur dhe pa ndihmën ShBA e ka të pamundur imponimin e zgjidhjes së problemit Kosovë -  Serbi.

Tasholli thotë se vërehet një angazhim "shtesë" sa i përket dialogut, që mund të lexohet edhe si shtim i peshës së përgjegjësisë për të gjitha palët e përfshira në gjetjen e zgjidhjes përfundimtare.

"Berlini, me idenë e rritjes së presionit për të dyja palët (Kosovë-Serbi), po mundohet që ta përforcojë seriozitetin në dialog nëpërmjet nikoqirëllëkut", thotë Tahsolli  për Rtklive.

Se a do të arrijë të bind palët, sipas tij, mbetët të shihet. 

"Por Europa pa Amerikën e ka gati të pa mundur imponimin e zgjidhjes së problemit Kosovë-Serbi. Jo vetëm për shkak të historisë politike të EU-së me konfliktet e caktuara nëpër botë, por edhe pse besimi në EU është i zbehur që tu garantojë atyre "dëgjueshmëri" nga palët e përfshira në dialog", tha Tasholli për Rtklive.

Pasditen e sotme kancelari Scholz pret në takime të ndara kryeministrin Kuti e presidentin e Serbisë, Vuçiq.  Me kryeministrin Kurti do të ketë edhe një konferencë për media.


MË SHUME NGA Lajme