Ukraina në fanellë e njeh Kosovën të barabartë me shtetet e tjera
BKT
Sport

Ukraina në fanellë e njeh Kosovën të barabartë me shtetet e tjera

Uran Krasniqi/RTKLive

Ukraina nuk e njeh shtetin e Kosovës, por kjo nuk e ka penguar që ta vendosë flamurin kosovar në fanellën e krijuar për ndeshjet përgatitore para dy ndeshjeve kualifikuese të vlefshme për Kupën e Botës në Katar. 

Presidenti i Federatës ukrainase, Andrii Pavleko, ka thënë se kanë pëlqyer propozimin e presidentit Volodymyr Zelenskyy. 

"Ky është nderi dhe mirënjohja jonë për partnerët e huaj për ndihmën e tyre", ka thënë ai. "Kombëtarja do të luajë në këtë formë unike vetëm në ndeshjet në përgatitje për play-off të  Botërorit 2022".

Kosova ka shprehur vazhdimisht përkrahje për Ukrainën pas fillimit të agresionit rus mbi atë vend.

Për kualifikimet e Botërorit të vitit 2018 Kosova kishte qenë në të njëjtin grup me Ukrainën. Ukraina në ndeshjen e parë nuk kishte pranuar që ndeshja të zhvillohej në territorin e saj, duke bërë që sfida të luhej në Poloni. Ndeshja e dytë ishte organizuar në Shkodër.