07:29 / 12.05.2022
Ka një javë që banorët e fshatit Llukar kanë mbetur pa energji elektrike
Valjete Shala/ RTK
Ka më shumë se një javë që banorët e fshatit Llukar të Prishtinës po përballen me mungesë të energjisë elektrike. Kjo si pasojë e djegies së një trafoje në këtë fshat e cila bëri që një pjesë e banorëve të mbetet pa rrymë.
KEDS në një përgjigje me shkrim për RTK-në ka thënë se në këtë fshat janë 8 konsumatorë që kanë trafo private, e cila është djegur.
Në këto raste sipas KEDS-it, është përgjegjësi e tyre që ta ndërrojnë trafon. Megjithatë, banorët dhe bizneset presin një zgjidhje për këtë situatë, pasi që këtë trafo para disa vitesh KEDS e kishte ndërruar. Banorët presin bashkëpunim më KEDS-in në mënyrë që edhe këta banorë të kenë energji elektrike.























