13:06 / 13.05.2022
Ambasadori gjerman: Mezi po presim ta shohim Kosovën në KE
Afet BELA/ RTKlive
Ambasadori i Gjermanisë në Kosovë Joern Rohde, ka deklaruar se Kosova i takon Këshillit të Evropës.
Diplomati gjerman ka shkruar në rrjetin social “Twitter” duke e shpërndarë edhe shkrimin e kryeministrit Kurti në “Twitter”, i cili dje njoftoi se Gërvalla ka dorëzuar aplikimin në KE.
“Mezi po presim të shohim Kosovën si pjesë të familjes së Këshillit të Evropës, i cili punon për të promovuar të drejtat e njeriut, demokracinë dhe sundimin e ligjit. Kosova i takon Këshillit të Evropës. Gjitha të mirat në rrugëtimin e anëtarësimit”, ka shkruar Ambasadori gjerman në Kosovë Joern Rohde.
Ndryshe pas aplikimit të Kosovës në Këshillin e Evropës ka pasur reagime të ndryshme, duke i dhënë mbështetje Kosovës për këtë proces.























