Kurti: Marrëveshja me MCC ndihmon tranzicionin energjetik
Blerim Halimi / RTKlive
Kryeministri Albin Kurti i cili ndodhet për vizitë zyrtare në SHBA, e ka komentuar marrëveshjen e arritur ndërmjet Qeverisë së Kosovës dhe Korporatës Amerikane Sfidat e Mijëvjeçarit (MCC) në Uashington.
Nëpërmjet një postimi në Twitter, Kurti ka thënë se marrëveshja në fjalë është e dizajnuar t’i ndihmojë Kosovës drejt tranzicionit energjetik dhe transformimit socio-ekonomik.
“Dje, qeveria jonë dhe Korporata Sfidat e Mijëvjeçarit finalizuan negociatat mbi propozimin prej 236.7 milionë dollarëve amerikanë, për marrëveshjen Kompakt, e dizjanuar t’i ndihmojë Kosovës drejt tranzicionit energjetik dhe transformimit socio-ekonomik. Vlerat e përbashkëta ndërtojnë marrëdhënien tonë. Vlerat dhe qëllimet e përbashkëta, forcojnë atë”, ka shkruar kryeministri Kurti në Twitter.
























