10:07 / 16.05.2022
Theret me thikë një person në Prishtinë
Emine Hoti /RTKlive
Një person ka pësuar lëndime të rënda trupore pas një sulmi me thikë.
Siç njofton policia , ngjarja ka ndodhur dje në rrugën “Agim Ramadani” në Prishtinë.
“Lëndime të rënda trupore ka pësuar viktima mashkull kosovar pasi i njëjti si pasojë e një mosmarrëveshje të më hershme, është sulmuar fizikisht (therë me thikë) nga një i dyshuar”, thuhet në raportin 24 orësh të Policisë së Kosovës.
Tutje, është njoftuar se viktima është dërguar në tretman mjekësorë në QKUK, ndërsa rasti po dyshohet si “Vrasje në tentativë”.























