10:13 / 16.05.2022
Mbappe thotë se shumë shpejt do ta sqarojë të ardhmen e tij
Uran Krasniqi/RTKLive
Kylian Mbappe ka thënë se do të njoftojë për vendimin në lidhje me të ardhmen e tij përpara se të bashkohet me Kombëtaren e Francës për ndeshjet e Ligës së Kombeve në qershor.
"Do ta dimë shumë shpejt. Zgjedhja ime është bërë", tha ai.
Kontrata e francezit me kampionët e Ligue 1, Paris Saint-Germain skadon muajin e ardhshëm dhe Mbappe është i përfolur për një lëvizje te Real Madrid, por ende nuk ka diçka konkrete.
23-vjeçari këtë sezon ka shënuar 36 gola dhe ka dhënë 21 asistime për PSG-në.
Franca në qershor do të luajë katër ndeshje të Ligës së Kombeve.























