“Autokton” sonte në RTK sjell Kalanë e Prizrenit
RTKlive
E ndërtuar në kodër, vend nga i cili duket qyteti i Prizrenit, sikur ndonjë pikturë e kohës.
Kjo, është një nga monumentet e trashëgimisë, simbol, që tregon identitetin tonë kulturore, që mbetët një nga vendet më atraktive për vizitorët e shumtë nga e gjithë bota.
Kjo është Kalaja e Prizrenit e cila tërheq vizitorë edhe nga jashtë vendit.
“ Jam vërtetë i befasuar me Prizrenin dhe Kosovën me historinë dhe duhet të vazhdohet të ruhet dhe përcillet për brezat”, thotë për RTK-në, një vizitor gjerman.
Arkeologu Shafi Gashi thotë se gjatë periudhave të ndryshme në këtë lokalitet, u bënë hulumtime nga të cilat u konstatuan se kishte gjurmë banimi dhe gjetje të ndryshme.
Emisioni “Autokton” me gazetare Rabije Kryeziu, që transmetohet sonte në RTK në orën 22:00, do të sjellë edhe shumë detaje të tjera për Kalanë e bukur të Prizrenit.























