AAK-ja sot përmbyll procesin e zgjedhjeve të brendshme në pesë komuna
Foto: Ramush Haradinaj/ Facebook
Lajme

AAK-ja sot përmbyll procesin e zgjedhjeve të brendshme në pesë komuna

Kimete Kasumi/ RTKlive

Aleanca për Ardhmërinë e Kosovës sot e përmbyll procesin e zgjedhjeve të brendshme në Prizren, Ferizaj, Pejë, Malishevë dhe Obiliq.

Kjo parti përmes një njoftimi për medie ka theksuar se në kuvendet e degëve në Ferizaj dhe në Prizren të cilat po i zhvillojnë punimet që prej orës 10:00, gara për Këshillat Drejtuese dhe kryetarët e degëve është shumë e fortë.

“Tri degët e tjera të Aleancës, ato të Pejës, Malishevës dhe Obiliqit, kuvendet zgjedhore do t’i mbajnë prej orës 14:00, përkatësisht 17:00 dhe 18:00”, ka njoftuar AAK-ja.

Deri më tani, degët e Aleancës në Gjakovë, Rahovec e Deçan, kanë përmbyllur procesin zgjedhor, kanë zgjedhur kryetarët dhe këshillat drejtuese.


APR
Romay Lift