Presidentja Osmani dekreton Irfete Spahiun si gjeneraljamore të FSK-së
BKT
Foto: Vjosa Osmani/ Facebook
Lajme

Presidentja Osmani dekreton Irfete Spahiun si gjeneraljamore të FSK-së

Donika Sherifi/RTK

Presidentja e Republikës së Kosovës, Vjosa Osmani, në një ceremoni të organizuar në Presidencë, bazuar në kompetencat saj kushtetuese e ligjore, ka graduar gjeneral brigade Irfete Spahiu me gradën gjeneralmajore në FSK.

Me një dekret tjetër të presidentes Osmani, Spahiu, po ashtu, është emëruar Inspektore Gjenerale e FSK-së.

Në këtë ceremoni  të pranishëm ishin kryeministri Albin Kurti, ministri i Mbrojtjes, Armend Mehaj dhe komandanti i FSK-së, Bashkim Jashari.

Presidentja Vjosa Osmani  tha se është nder i veçantë që sot për herë të parë në historinë e Kosovës një grua e jashtëzakonshme gradohet Gjeneralmajorë, emërohet në një pozicion shumë të rëndësishëm.

 “Pas propozimit të ministrit Mehaj kam dekretuar në gradën gjeneralmajore që është nder dhe përgjegjësi e jashtëzakonshme. Presim shumë nga ju. Është nder e përgjegjësi e para grua Gjeneral në ushtrinë tonë që do të na bëjë nder e krenarë për ushtrinë tonë dhe jo vetëm”, tha Osmani.

Ndërsa Inspektorja Gjenerale në Forcën e Sigurisë së Kosovës, Irfete Spahiu tha është përgjegjësi e madhe dhe shpresoj e besoj në vetën time që besimi që institucionet më kanë dhënë do ta kryej me nder e prioritet./V.Thaçi


MË SHUME NGA Lajme