Presidentja e Republikës së Kosovës, Vjosa Osmani Sadriu, ka pritur sot në takim ambasadorin e Mbretërisë së Bashkuar në Kosovë, z. Nicholas Abbott.

Në njoftim nga Presidenca e Kosovës, është bërë e ditur se ata kanë diskutuar për zhvillimet e fundit në vend, rajon dhe kontinentin evropian.

“Në takim me ambasadorin Abbott, Presidentja Osmani ka diskutuar për zhvillimet e fundit në vend, rajon dhe kontinentin evropian, duke përfshirë koordinimin në politikën e jashtme” thuhet në njoftim.

Presidentja gjithashtu  ka falënderuar ambasadorin Abbott për përkrahjen e vazhdueshme të Mbretërisë së Bashkuar për Kosovën.