Aurelien Tchouameni te Real Madridi?
Fatmir Bytyqi /RTKlive
Real Madridi dhe Monaco raportohet se janë afër marrëveshjes për transferimin e Aurelien Tchouameni.
Kampionët e La Ligës dhe Evropës, tashmë janë hedhur në sulm për përforcime të reja në skuadër.
Ylli i Monacos, Tchouameni është një nga objektivat kryesore të skuadrës së Carlo Ancelottit.
Sipas ‘GOAL’, Real Madrid dhe Monaco janë afër arritjes së marrëveshjes për transferimin e Aurelien Tchouameni.
‘Los Blancos’ pasi dështuan ta blejnë Kylian Mbappe-n, i cili firmosi kontratë të re me PSG, tashmë janë duke i shfrytëzuar opsionet tjera.
Siç raportohet, Real Madridi beson së brenda pak orësh do të arrihet marrëveshja me Monacon për Tchouameni.
Tchouameni javë më parë kishte refuzuar PSG-n dhe Liverpoolin pasi dëshiron t’i bashkohet gjigantit spanjoll, Real Madrid.























