Përfaqësuesit e BB-së për Evropë: Prekja e Trustit, nuk është zgjidhje
BKT
Lajme

Përfaqësuesit e BB-së për Evropë: Prekja e Trustit, nuk është zgjidhje

Naser Mekolli /RTKlive.com

Kryeministri i Kosovës, Albin Kurti, priti sot në takim zëvendëspresidenten e Bankës Botërore për Evropën dhe Azinë Qendrore Anna Bjerde, drejtoreshën rajonale të Bankës Botërore për Ballkanin Perëndimor.

“U bisedua për stabilitetin institucional dhe indikatorët pozitivë. Kryeministri veçoi rritjen e eksporteve  dhe potencialin e madh në fushën e teknologjisë së informacionit si dhe angazhimin e qeverisë për digjitalizim. Znj.Bjerde e përgëzoi Qeverinë për rritjen ekonomike që ishte ndër më të lartat në rajon”, njofton zyra për informim e kryeministrit.

Bëhet e ditur se përfaqësuesit e Bankës Botërore kanë thanë se presin që së shpejti të kalojë në kuvend marrëveshja për reformën sociale, sepse ajo është përgjigja e duhur ndaj krizës inflacionare dhe jo prekja e mjeteve të trustit pensional.

“Si përparësi e pasuri e vendit tonë u theksua kapitali njerëzor, prandaj Qeveria është fokusuar te investimet në fëmijërinë e hershme, në kopshte e parashkollorë. U fol për rëndësinë që ka arsimimi profesional në parandalimin e migrimit të të rinjve. Kryeministri theksoi mbështetjen e Qeverisë për vajzat në STEM, me qëllim të mbylljes së hendekut gjinor në profesione”, thuhet tutje në këtë njoftim.

Kryeministri Kurti shprehu mirënjohjen e Qeverisë së Kosovës për mbështetjen e Bankës Botërore për Kosovën në shumë fusha. Ai veçoi projektin për përballjen me pandeminë Covid-19. Lidhur me situatën stabile aktuale në vend, u theksua se tash e disa ditë kemi regjistruar numra njëshifrorë të të infektuarve me këtë virus. Bjerde cilësoi si impresive shkallën e vaksinimit që Kosova ka arritur.

U bisedua gjithashtu edhe për situatën aktuale me energji elektrike, ku u përmend edhe ndikimin i luftës në Ukrainë. Kryeministri ka bërë të ditur se është afër lansimit të Strategjisë së energjisë dhe ritheksoi përkushtimin e Qeverisë për energji të ripertëritshme.


MË SHUME NGA Lajme