Kurti e Lajçak flasin për procesin e dialogut, rëndësinë dhe synimin e tij
Naser Mekolli /RTKlive.com
Në Bratisllavë të Sllovakisë, kryeministri i Republikës së Kosovës, Albin Kurti zhvilloi një takim me Përfaqësuesin Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajçak, i cili po ashtu po merr pjesë në Forumin e Bratisllavës, GLOBSEC 2022.
"Me Lajçakun, kryeministri ishte edhe pjesë e panelit të diskutimit “Tani ose kurrë – Duke zhbllokuar të ardhmen evropiane për Ballkanin Perëndimor”, në të cilin foli për procesin e dialogun, parimet, vlerat dhe synimin e qartë të tij, e që është marrëveshja që në qendër ka njohjen reciproke", njofton zyra për informim e kryeministrit.
Gjithashtu, bëhet e ditur se në takimin pas panelit të diskutimit, kryeministri Kurti dhe Përfaqësuesi Special i BE-së, Lajçak folën për mbarëvajtjen e deritanishme të takimeve, rëndësinë komunikimit të rregullt dhe qasjes konstruktive përgjatë tërë procesit.























