16:42 / 06.06.2022
Presidenti Pahor fton Osmanin ta vizitojë Slloveninë
Naser Mekolli /RTKlive.com
Presidentja e Kosovës, Vjosa Osmani priti sot në takim ambasadoren e Republikës së Sllovenisë, Minca Benedejçiq me të cilën diskutoi për zhvillimet në vend dhe rajon.
Gjatë takimit, ambasadorja Benedejçiq ia dorëzoi Presidentes Osmani ftesën e presidentit të Sllovenisë Borut Pahor për të realizuar vizitë zyrtare në këtë vend gjatë muajit korrik, njofton zyra për informim e presidentes.
Bëhet e ditur se presidentja Osmani ka pranuar ftesën, duke theksuar se vizita do të kontribuojë në thellimin e mëtejmë të raporteve ndërshtetërore në fushat e interesit të dyanshëm.























