Haradinaj takon ambasadorin amerikan
Emine Hoti / RTKlive
Kryetrari i Aleancës për Ardhmërinë e Kosovës, Ramush Haradinaj ka biseduar për nevojën e normalizimit të raporteve mes Kosovës dhe Serbisë me ambasadorin amerikan në Prishtinë. Haradinaj ka ripërsëritur se miqësia mes Kosovës dhe Amerikës është e përjetshme.
Kryetari i AAK-së, Ramush Haradinaj, përmes një postimi në Facebook ka njoftuar se sot ka takuar ambasadorin amerikan në Kosovë, Jeff Hovenier.
“Sot në një takim me Ambasadorin e SHBA, Hovenier, diskutuam për zhvillimet e fundit në vend, me theks të posaçëm për nevojën e normalizimt të marrëdhënieve Kosovë-Serbi”, thuhet në një postim në faqen zyrtare të Haradinajt në Facebook.
“Miqësia mes dy vendeve tona është e përjetshme”, thotë Haradinaj pas takimit.
Ndryshe, Haradinaj dje është rizgjedhur kryetar i Aleancës për Ardhmërinë e Kosovës.
























