21:03 / 06.06.2022
KPK hap dëgjim publik në draftimin e Rregullores për prokurorë të shtetit
Muharrem Miftari/RTKlive
Këshilli Prokurorial i Kosovës njofton opinionin publik se ka hapur dëgjim publik lidhur me Rregulloren për Rekrutimin, Provimin, Emërimin dhe Riemërimin e Prokurorëve të Shtetit.
Këshilli Prokurorial i Kosovës, njofton se është në fazën e draftimit përfundimtar të Rregullores për Rekrutimin, Provimin, Emërimin dhe Riemërimin e Prokurorëve të Shtetit, andaj me qëllim të arritjes së bashkëpunimit, nivelit të transparencës dhe duke konsideruar të rëndësishëm kontributin e secilit-ës, Këshilli Prokurorial fton të gjithë profesionistët e interesuar që të paraqesin komentet apo sugjerimet e tyre për përmirësimin e Draftit deri më datën 10 qershor 2022.























