Berisha: Deri në frymarrjen e fundit luftojmë për Kombëtaren tonë
BKT
Sport

Berisha: Deri në frymarrjen e fundit luftojmë për Kombëtaren tonë

Fatmir Bytyqi /RTKlive

Mesfushori Valon Berisha është një nga futbollistët që jep gjithçka nga vetja në ndeshjet e Kombëtares së Kosovës.

‘Dardanët’ mbrëmë mposhtën Irlandën Veriore (3-2), në ‘Fadil Vokrri’ në kuadër të Ligës së Kombeve.

Kjo fitore ka rritur motivin në radhët e Kombëtares sonë, për sfidën me Greqinë, ndeshje kjo që luhet të dielën mbrëma.

Përballja Greqia-Kosova është tejet e rëndësishme në garën për kreun e tabelës. Berisha para ndeshjes me Greqinë ka ardhur me një mesazh të fortë.

Ai në Instagram ka postuar një fotografi të shoqëruar me fjalët: “Deri në frymarrjen e fundit luftojmë për Kombëtaren tonë”.

Kujtojmë se ndeshja e parë mes Kosovës dhe Greqisë është mbyllur me fitoren e grekëve prej 0-1.