Ushtari anglez James Blunt, të cilin Kosova e bëri këngëtar të njohur 
Kulturë

Ushtari anglez James Blunt, të cilin Kosova e bëri këngëtar të njohur 

RTKlive

Këngëtari anglez James Blunt i cili në vitin në 1999 ishte ushtarë i Mbretërisë së Bashkuar që hynë në Kosovë, kishte realizuar një këngë e cila kishte të bënte me luftën e Kosovës.

Ai gjatë shërbimit në Kosovë, kishte performuar shumë shpesh për ushtarët e KFOR –it.  

Blunt në atë kohë nuk ishte shumë i njohur për publikun si këngëtar, por pasi braktisi ushtrinë në vitin 2003,  aktivisht iu kthye muzikës. 

Kënga e inspiruar nga ngjarjet e luftës në Kosovë, “No bravery” u shkrua nga ai dhe Sasha Scharbek.  

Këto janë fjalët hyrëse të këngës “Pa trimëri” të cilat ai i thotë në videon e regjistruar të këngës së tij:  

“Unë jam togeri James Blunt, dhe kjo është pjesa e parë e ditarit tim përmes videos. Sot, ne vendosemi në Ballkan, Ne nuk e dimë për sa kohë dhe ne nuk e dimë ende se cila është detyra jonë, mirëpo unë do të xhiroj sa më shumë që mundem përmes kamerës”, thotë Blunt në videon hyrëse të cilën e kishte xhiruar gjatë  zbarkimit të trupave  angleze, ndër të parat trupa të NATO-së që u futën në Kosovë.  

Teksti i këngës “No Bravery ” në shqip :

Këtu qëndrojnë fëmijë në këmbë

Me krahë të ngritur në qiell

Lotët u thahen në fytyrë

Ai ka qenë këtu

Vëllezër të shtrirë në varre të cekëta

Etër të humbur pa asnjë gjurmë

Një komb i verbër ndaj turpit të vet

Që kur ai ka qenë këtu

 

Dhe unë nuk shoh guxim

Nuk shoh më guxim në sytë e suaj

Vetëm pikëllim

Dhe unë nuk shoh guxim

Nuk shoh më guxim në sytë e suaj

Vetëm pikëllim

Vetëm pikëllim

 

Shtëpi të djegura e të pariparueshme

Era e vdekjes është në ajër

Një grua duke qarë në dëshpërim, thotë

“Ai ka qenë këtu”

Pëllumba ndriçojnë qiellin

Është radha e një familjeje tjetër për të vdekur

Një fëmijë që madje ka frikë të flas me zë të lartë thotë

“Ai ka qenë këtu”

 

Dhe unë nuk shoh guxim

Nuk shoh më guxim në sytë e juaj

Vetëm pikëllim

Dhe unë nuk shoh guxim

Nuk shoh më guxim në sytë e juaj

Vetëm pikëllim

Vetëm pikëllim

 

Këtu qëndrojnë fëmijë në këmbë

Me krahë të ngritur në qiell

Por askush nuk e bën pyetjen pse

Ai ka qenë këtu

Burra të moshuar gjunjëzohen për të pranuar fatin e tyre

Gratë e vajza të prera dhe të përdhunuara

Një gjeneratë e zhytur në urrejtje

Thotë, “Ai ka qenë këtu”

 

Dhe unë nuk shoh guxim

Nuk shoh më guxim në sytë e juaj

Vetëm pikëllim

Dhe unë nuk shoh guxim

Nuk shoh më guxim në sytë e juaj

Vetëm pikëllim

Vetëm pikëllim

 


Bast-Trade
AlbiMall
Eurokoha
Vjosa