17:57 / 17.06.2022
Sërish zgjedhje në Tërnoc të Luginës
Jeton Musliu/ RTKlive
Zgjedhjet në Tërnoc do të mbahen për herë të katërt. Gjykata Administrative e ka aprovuar ankesën e Shaip Kamberit nga “Koalicioni i Shqiptarëve të Luginës”, për rivotim në Tërnoc.
Kamberi e ka konfirmuar këtë për mediat lokale.Kandidatit për deputet, Shaip Kamberit, i nevojiten gjithsej 610 vota për të hyrë në Kuvendin e Serbisë.
Në zgjedhjet e fundit ai nuk arriti të bëhet deputet vetëm për 13 vota.
Kamberi shtoi se nesër do të vendosë Komisioni Republikan se kur do të mbahen zgjedhjet e ardhshme.























