Presidentja Osmani ngushëllon familjen e producentes Berisha
BKT
Foto: RTKlive
Kulturë

Presidentja Osmani ngushëllon familjen e producentes Berisha

Kimete Kasumi/ RTKlive

Presidentja e Republikës së Kosovës, Vjosa Osmani, ka ngushëlluar familjen Berisha për vdekjen e producentes Vjosa Berisha.

Ajo ka thënë se Berisha ishte model i gruas së guximshme e stoike.

Osmani ka theksuar se regjisorja e njohur ka dhënë kontribut të madh në industrinë e filmit.

Më poshtë deklarata e saj e plotë:

“Me dhimbje të thellë pranova lajmin për ikjen e hershme të producentes së filmave, znj. Vjosa Berisha.

Ajo ishte jo vetëm një profesioniste e shquar, por edhe model i gruas së guximshme e stoike, ndaj e tillë do të mbetet në kujtesën tonë.

Kontributi i saj në industrinë e filmit është i çmuar. Ajo la pas një festival filmi, të cilin e bashkëthemeloi dhe i cili do të mbetet simbol me të cilën do ta kujtojmë përherë.

Ju përcjell ngushëllimet e mia më të sinqerta familjes, miqve dhe komunitetit kulturor!

Në këto çaste të vështira për ju, bashkëndjej me Familjen Berisha!

I përhershëm qoftë kujtimi për znj.Vjosa Berisha”. 

Familjet Berisha dhe Istrefi i kanë ngushëlluar përfaqësuesit nga jeta politike e institucionale, por edhe nga bota e artit.
 
Vjosa Berisha ka pasur përvojë mbi 20 vjeçare në industrinë e filmit. Ajo ishte edhe themeluese e festivalit PriFilmFest.


MË SHUME NGA Kulturë