Osmani: Suksesi ekonomik i Singaporit frymëzim për Kosovën
BKT
Lajme

Osmani: Suksesi ekonomik i Singaporit frymëzim për Kosovën

Naser Mekolli /RTKlive.com

Presidentja Kosovës, Vjosa Osmani, në vazhdën e takimeve gjatë vizitës në Singapor është pritur sot nga Kryetari i Parlamentit të Singaporit, Tan Chuan-Jin, së bashku me një grup deputetësh.

“Presidentja Osmani ka folur mbi marrëdhëniet e shkëlqyera në mes të Kosovës dhe Singaporit, duke vlerësuar edhe rëndësinë e bashkëpunimit ndërparlamentar për t’i përafruar më shumë vendet tona, si dhe qëndrimet karshi zhvillimeve globale.  “Bashkëpunimi ynë bilateral ka potencial për t’u thelluar më tej, e këtu rol të veçantë luan edhe diplomacia parlamentare” ka theksuar Presidentja Osmani”, thuhet në njoftimin e zyrës për informim të Presidencës.

Bëhet e ditur se, Osmani ka përmendur suksesin ekonomik dhe zhvillimor të Singaporit, si frymëzues për Kosovën. Në këtë drejtim, Presidentja ka folur edhe për potencialin e intensifikimit të bashkëpunimit në mes të dy vendeve tona në mbrojtje, energji, arsim e fusha të tjera të interesit të përbashkët.

Presidentja Osmani dhe kryetari Chuan-Jin kanë biseduar edhe për zhvillimet globale dhe nevojën që demokracitë të qëndrojnë të bashkuara në këto kohë të sfidave madhore.

 


MË SHUME NGA Lajme