Gjatë vizitës zyrtare në Slloveni, presidentja Vjosa Osmani  takoi edhe mërgimtarët kosovarë që jetojnë e punojnë atje.

Presidentja Osmani deklaroi se takimi me mërgatën, sjell gjithmonë emocione të veçanta.

“Gjatë vizitës në Slloveni zhvillova një bashkëbisedim të këndshëm me mërgatën tonë të çmuar, e cila është shpirti dhe zemra e Kosovës”, deklaroi presidentja e shtetit.

Sipas saj, për Kosovën është pasuri një mërgatë e angazhuar dhe mirë e integruar.

“Përtej kontributit financiar, mërgata po luan rol më rëndësi në zhvillimin e Kosovës, por edhe në ruajtjen e kulturës dhe identitetit tonë në vendet ku jetojnë”.

Presidentja Vjosa Osmani, gjatë kësaj vizite, u prit nga krerët më të larët të shtetit slloven, përfshirë presidentin e kryetarin e Kuvendit.

Në të gjitha rastet u rikonfirmua lidhja e ngushtë mes dy shteteve.