20:39 / 07.07.2022
13 artistë kosovarë ekspozojnë në “Summer Art”
Shqipe Gashi/RTKlive
Ekspozita shitëse “Summer Art” është hapur sonte në Prishtinë dhe do të qëndrojë e hapur për një javë.
Ekspozita e quajtur “Summer Art” ka mbledhur vepra të artistëve të njohur kosovarë.
Punimet e ekspozuara të trembëdhjetë artistëve kosovarë në ambientet e lokalit "Third Eye Bar Lounge" do të qëndrojnë për t'u shijuar nga artdashësit për një javë rresht.
Artistët pjesëmarrës në këtë ekspozitë janë: Agron Mulliqi, Bardha Buza, Bardhyl Bejtullahu, Blerta Syla Surroi, Eliza Hoxha, Eshref Qahili, Merita Myderizi Maloku , Mjellma Goranci Ferizi, Mimoza Zajmi, Mimoza Studenica, Shqipe Kamberi, Vjosa Bujari dhe Zana Ramadani.


























