11:11 / 21.07.2022
10 vjet nga vdekja e poetit Ali Podrimja
RTKlive
Poeti Ali Podrimja, më 21 korrik 2012, u gjet pa shenja jete në qytetin Lodeve të Francës, ku kishte udhëtuar për të marrë pjesë në një festival ndërkombëtar të poezisë.
Ai u denoncua i zhdukur nga familjarët dhe të afërmit e tij, të cilët thanë se kishin humbur kontaktet që prej datës 18 korrik, kur u paraqit për lexim në kuadër të festivalit ndërkombëtar të poezisë "Voix della Mediterrane"
Podrimja u gjet i vdekur në rrethinat e qytetit të Lodeve, pranë një lumi.
Ali Podrimja u lind më 28 gusht, 1942 në Gjakovë. Ai konsiderohet nga kritika letrare, bard i poezisë shqipe i njohur edhe në arenën ndërkombëtare.
Libri i tij më i njohur është "Lum Lumi", vëllimi poetik që ai i kushtoi djalit të tij që vdiq në moshë të hershme.























