Kusari Lila për RTK2: I njëjti vendim për reciprocitet nga 1 shtatori
BKT
Foto RTK
Lajme

Kusari Lila për RTK2: I njëjti vendim për reciprocitet nga 1 shtatori

Dragana Pajoviç/ RTK2

“Shtyrja e zbatimit të vendimit të Qeverisë së Kosovës është rezultat i krijimit të tensioneve dhe dezinformatave”, tha Mimoza Kusari Lila, kryetarja e Grupit parlamentar  të Vetëvendosje në Kuvendin e Kosovës, në programin e mëngjesit të RTK2.

Ajo theksoi se është një marrëveshje që është nënshkruar në Bruksel. “E di që vendimi u vonua për tridhjetë ditë, për shkak të tensioneve, por edhe për shkak të dezinformatave. Ajo që duhet të dimë të gjithë është se situata nuk ishte aq e kërcënuar sa u përfol. Kishte panik dhe dezinformata, çfarë u komunikua me veriun e Kosovës dha përshtypjen sikur diçka tragjike po ndodh atje, na vjen mirë që asgjë nuk ka ndodhur, ka qenë vetëm një vendim i Bordit që po zbatohet edhe në Merdar dhe i njëjti vendim do të zbatohet nga 1 shtatori”, tha ajo.

“Ne kemi 80 për qind serbe që jetojnë ne jug të lumit Iber, çdo gjë është normale dhe nuk ka ndodhur asgjë e tmerrshme, kështu që perceptimi, përshtypja është se diçka kërkohet të imponohet në veri, dhe më së shumti është rezultat i strukturave paralele dhe, natyrisht, i vendimeve dhe ndërhyrjeve të Beogradit gjatë gjithë kohës në vendimmarrje në veri. Më vjen keq që në të njëjtën anë ishte edhe ministri i Qeverisë së Kosovës, z. Rakiq, pasi zgjodhi të ishte në konferencë së bashku me Petkoviqin dhe, gjithashtu, me tonin me të cilin foli p.sh. për kryeministrin”, tha ajo.


MË SHUME NGA Lajme