Dua Lipa informon 85.7 milionë njerëz se Kosova s`ka liberalizim vizash
Foto: Dua Lipa/Instagram
Në Fokus

Dua Lipa informon 85.7 milionë njerëz se Kosova s`ka liberalizim vizash

Jeton Musliu / RTKlive

85.7 milion njerëz në tërë botën, në këtë moment janë duke e parë se kosovarët janë të vetmit që nuk kanë liberalizim të vizave.

85.7 milion njerëz që janë duke e parë në këtë moment se në Prishtinë do të mbahet një koncert ku do të përformojë ylli botëror që këtë qytet e quan shtëpi të saj.

Këtë është duke e bërë në këto momente, Dua Lipa, prishtinasja me famë globale e cila është duke përdorur llogarinë e saj zyrtare në instagram, që të njoftojë miliona njerëz në botë se ku ndodhet Kosova.

“Më lini të lirë”, është mesazhi që ajo dhe organizatorët kanë vendosur që të përçojnë tek miliona njerëz në mbarë botën.

“Bashkojuni thirrjes-pa viza për Kosovën”, shkruan në një postim tjetër në llogarinë e saj në instagram.

Për më tepër, ajo jep edhe informacione të tjera në fushatën e saj, që duket se tejkalon festivalin “Sunny Hill”.

“Derisa BE-ja vendos kufijtë rreth lirisë sonë, ne do të mbajmë imagjinatën tonë të gjallë për t'u çliruar”, shkruan në postimin e saj të radhës, duke dhënë edhe informacione të tjera për Kosovën, për miliona ndjekës të saj.

“Heqja e vizave për Kosovën mbetet një premtim i pa përmbushur që nga viti 2011”, shkruan Lipa, duke shtuar se “11 vjet në një përparim të ngecur të integrimit, ne mbesim të vetmit që nuk mundemi lirshëm të kalojmë kufijtë pa viza”.

Për më tepër ajo vazhdon me postimin e radhës duke shpjeguar për miliona ndjekës të saj, se nga viti 2018, Kosova ka përmbushur të 95 kriteret e caktuara për liberalizim të vizave të vendosura nga BE-ja, që ishin më shumë se dyfishi i atyre që kanë plotësuar vendet fqinje.

“Dhe tani pas 5 vitesh, na duhet  bashkim paqësor për një lulëzim  ekonomik e kulturor”, shkruan Lipa.

Duke iu drejtuar BE-së, Dua Lipa kërkon që të lejojë të rinjtë e Kosovës që të shohin bukuritë e Evropës.

“Lejoni të rinjtë tanë të udhëtojnë pa kufizime dhe të zbulojnë bukuritë e Evropës. Na jemi lirinë për të lëvizur”, shkruan në postimin  këngëtares Dua Lipa.

Në fakt të gjitha këto të dhëna dhe ky mesazh është edhe moto e festivalit ‘Sunny Hill” që këtë vit mbahet nga data 4 deri me 7 gusht.

Për më tepër, ajo ka postuar në instagramin e saj edhe një pjesë të deklaratës për media, të dhënë në gjuhën shqipe.

“E kam pasur mendjen gjithë ditën në përformancë dhe shpresoj se do t’iu pëlqejë dhe do të kënaqemi”, deklaroi ndër të tjera Dua Lipa.

Në konferencën për media para nisjes së festivalit, Dua Lipa tha se është krenare që gjendet në Kosovë dhe u shpreh e emocionuar për performancën gjatë natës së sotme.

“Po më vjen shumë mirë që jam në shtëpinë time, në vendin tim dhe të kem mundësi të bëj diçka të tillë”, tha Dua Lipa.

 


APR
Romay Lift