Drejtuesit e RTSH-së vizitojnë RTK-në - Video
RTK
Në ambientet e Radio Televizionit të Kosovës sot ka qëndruar një delegacion i Radiotelevizionit të Shqipërisë, i prirë nga drejtori i përgjithshëm i RTSH-së Enkelejd Joti dhe zëvendësi i tij Redi Neziri.
Drejtuesit e RTK-së dhe RTSH-së janë pajtuar për thellimin e bashkëpunimit në shumë fusha, të cilat do të konkretizohen qysh në javën e parë të shtatorit. Ata u takuan me kryetarin e bordit, Besnik Boletini dhe menaxhmentin e RTK-së, të drejtuar nga drejtori i përgjithshëm Shkumbin Ahmetxhekaj.
Homologët e RTK-së dhe RTSH-së u pajtuan që qysh në fillim të shtatorit të nisë këmbimi i video materialeve me ngjarjet kryesore në Kosovë dhe Shqipëri. Ata po ashtu u pajtuan edhe për nisjen e procedurave për jetësimin e idesë për themelimin e një kanali të përbashkët për fëmijë.
Nga java e ardhshme fillon bashkëpunimi konkret në fushën e këmbimit të video-materialeve, RTK dhe RTSH pritet ta jetësojnë idenë për themelimin e një kanali të përbashkët për fëmijë.























