15:42 / 27.08.2022
United po rikthehet, mposht edhe Southamptonin
Uran Krasniqi/RTKLive
"Djajtë e Kuq" i kanë dhënë fund një serie të keqe në Premier League, ku kishin humbur dy ndeshjet e para.
Manchester United ka nisur rikthimin, ku të shtunën ata realizuan edhe fitoren e dytë radhazi, duke mposhtur si mysafir Southamptonin.
Rezultati përfundimtar i ndeshjes ka qenë 1-0.
Golin e vetëm e ka shënuar portugezi Fernandes në minutën e pesëdhjetë e pestë të ndeshjes.
Vendasit kanë tentuar barazimin, ku mundësi e madhe ka qenë goditja e topit me kokë nga ana e Joe Aribo, por David de Gea ka treguar shkathtësitë e tij.
United në ndeshjen e fundit kishte fituar nga Liverpool.























