Bislimi e Mustafa flasin për interesat e të drejtat e shqiptarëve në Luginë
BKT
Foto: Qeveria e Kosovës
Lajme

Bislimi e Mustafa flasin për interesat e të drejtat e shqiptarëve në Luginë

Fadil Sertolli / RTKlive.com

Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim Kryetarin e Këshillit Kombëtar Shqiptar në Serbi, Ragmi Mustafa.

Përmes një komunikatë për media nga zyra e zëvendëskryeministrit, Bislimi thuhet që temë e diskutimit ishin interesat dhe të drejtat e shqiptarëve në Luginën e Preshevës.

“Bashkëpunimi mes nesh është i rëndësishëm për mbrojtjen dhe avancimin e të drejtave të shqiptarëve. Në parimin e reciprocitetit, shqiptarët në Luginën e Preshevës, duhet të kenë të drejta të barabarta, të përfaqësimit, ashtu siç edhe serbët në Kosovë”, thuhet në komunikatë.

Sipas komunikatës, Qeveria e Republikës së Kosovës është angazhuar në mënyrë konkrete për mbështetjen e Luginës.

“Për herë të parë është buxhetuar mbështetja në shumën prej 2 milionë eurove për Luginën, me qëllim mbështetjen e rinisë dhe arsimimit, përkujdesjes ndaj trashëgimisë kulturore, identitetit kombëtar e organizatave për mbrojtjen e të drejtave të shqiptarëve”, thuhet në komunikatë.

Ndryshe, në muajin korrik të këtij viti, me vendim qeveritar, janë ndarë 255 mijë euro për sigurimin e teksteve mësimore për nxënësit e Luginës së Preshevës. Zëvendëskryeministri Bislimi dhe z. Mustafa, diskutuan për finalizimin e kryerjes së kësaj pagese dhe fillimit të shpërndarjes së librave, në prag të fillimit të vitit të ri shkollor.​


MË SHUME NGA Lajme