Në pikat kufitare Kosovë-Serbi, nis zbatimi i marrëveshjes për njohje të ID
RTKlive
(E plotësuar) Në mesnatë ka filluar zbatimi i marrëveshjes Kosovë-Serbi për dokumentet e udhëtimit hyrje-dalje për shtetasit e të dyja vendeve.
Gazetari i RTK-së konfirmon se edhe pikën kufitare në Jarinjë po zbatohet marrëveshja e Brukselit për letërnjoftimet.
Raportohet se autoritetet serbe po e zbatojnë marrëveshjen duke i pranuar dokumentet e udhëtimit të lëshuara nga Republika e Kosovës.
Marrëveshja e Brukselit për letërnjoftimet po zbatohen edhe në pikat tjera kufitare. Gazetarët e RTK-së konfirmojnë se ato po zbatohen edhe në Merdare e Muçibabë.
Marrëveshja është arritur të shtunën. Ndërkaq, vendimi për reciprocitet ishte marrë në mbledhjen e 29 qershorit nga Qeveria e Kosovës dhe ishte planifikuar të fillonte zbatimi i saj më 1 gusht, por për shkak të tensioneve në veri, vendimi ishte shtyrë për një muaj.


Nis zbatimi i marrëveshjes mes Kosovës dhe Serbisë për letërnjoftime
Filloi zbatimi i marrëveshjes për letërnjoftime, marrëveshje e arritur mes Kosovës dhe Serbisë edhe me ndërmjetësimin e Bashkimit Evropian dhe SHBA-së.
Gazetarët e RTK-së konfirmojnë se në Merdare e Jarinjë po zbatohet marrëveshja e Brukselit për letërnjoftimet. Raportohet se autoritetet serbe po e zbatojnë marrëveshjen duke i pranuar dokumentet e udhëtimit të lëshuara nga Republika e Kosovës.
Në pikën kufitare të Bërnjakut, sonte ka qëndruar edhe ministri i Punëve të Brendshme, Xhelal Sveçla, për të parë nga afër respektimin e marrëveshjes.
Ai ka konfirmuar se dokumentet për hyrje-daljet nuk po lëshohen më në pikat kufitare. Sveçla tha se shpreson që me këtë dinamikë të kalojë edhe çështja e targave.
Deri më tash, Serbia pajiste me një dokument të përkohshëm shtetasit kosovarë që udhëtonin drejt Serbisë apo që kalonin tranzit.
Marrëveshja për letërnjoftimet mes Kosovës dhe Serbisë është arritur javën e kaluar pas disa takimeve intensive me ndërmjetësim të emisarëve nga BE e SHBA.























