Kryeministri Kurti uron kryeministren britanike, Liz Truss
J.Musliu/RTKlive
Kryeministri Albin Kurti ka uruar kryeministren e sapozgjedhur të Britanisë së Madhe, Liz Truss. Me një postim më llogarinë e tij në Twitter, kryeministri Kurti u shpreh se pret bashkëpunim me kryeministren britanike, në shumë fusha.
“Urime për kryetaren e re të Partisë Koservatore”, shkroi kryeministri Kurti.
“Pres me padurim të punoj me Kryeministren Truss, për vlerat dhe prioritetet e përbashkëta, duke përfshirë sundimin e ligjit, përparimin ekonomik, njohjen reciproke ndërmjet Kosovës dhe Serbisë dhe shtimin e sigurisë përballë agresionit rus”, shkroi kryeministri i Kosovës.
Kryeministrja britanike, para se të zgjidhej në këtë detyrë, ishte Sekretare e Shtetit në kabinetin qeveritar të ish kryeministrit Boris Johnson.
Ajo në këtë pozitë ishte takuar edhe me kryeministrin Albin Kurti, gjatë vizitës së këtij të fundit të Britani të Madhe.
























