08:00 / 21.09.2022
Lajçaku në Nju Jork takohet me Vuçiqin
A.Bela / RTKlive
Emisari i BE-së për dialogun Kosovë-Serbi, Miroslav Lajçak në margjinat e takimit të Asamblesë së Kombeve të Bashkuara është takuar me Presidentin e Serbisë, Aleksandër Vuçiq.
Ai ka shkruar se me Vuçiqin kanë folur për rrugën përpara në normalizimin e marrëdhënieve me Kosovën.
"Pas takimit tim me kryeministrin Kurti në Prishtinë javën e kaluar, kam vazhduar edhe sot në Nju Jork bisedën me Vuçiqin. Në margjinat e UNGA-s folëm për rrugën përpara në normalizimin e marrëdhënieve me Kosovën", ka shkruar Lajçak në Twitter.
























