18:29 / 22.09.2022
Kosova e fiton edhe miqësoren e dytë me Malin e Zi
Uran Krasniqi/RTKLive
Kombëtarja e Kosovës në grupmoshën nën 17-vjeç në konkurrencën e vajzave ka realizuar fitore në ndeshjen e dytë miqësore kundër Malit të Zi. Rezultati përfundimtar ka qenë 3-0.
Serinë e golave e hapi Shenarta Bela, me golin e realizuar në minutën e 11-të, për ta vazhduar më pas Sahare Berisha, me golin e minutës së 17-të. Ndërkaq, golin e tretë dhe rezultatin përfundimtar e vendosi Albina Gegaj, në minutën e 27-të.
Në ndeshjen e parë Kosova kishte fituar me shifrat 4:2.























