Marrëveshja Moskë-Beograd, Hoxhaj i ashpër me BE-në
Fadil Sertolli/ RTKlive
Ditë më parë Moska dhe Beogradi nënshkruan një marrëveshje për t’u konsultuar për politikën e jashtme, marrëveshje e cila nxiti reagime të shumta, për faktin se shtete po e dënojnë invazionin rus në Ukrainë, ndërkaq Serbia është rreshtuar në krah të Rusisë.
Lidhur me këtë ish-ministri Enver Hoxhaj i ka reaguar ashpër Bashkimit Evropian, duke thënë se toleranca e BE-së ndaj Serbisë ka koston e saj.
“Për vite me radhë i kam paralajmëruar miqtë e mi në Evropë për rreziqet ndaj Ballkanit Perëndimor dhe BE-së nga rreshtimi i Serbisë me Rusinë, në vend të BE-së. Toleranca e BE-së tani ka kostot e saj. Serbia po mban anën me Rusinë për të luftuar Ukrainën dhe Kosovën, duke nënshkruar protokolle me Kremlinin në mes të luftës. Koha për të vepruar!", ka shkruar Hoxhaj në Twitter.























