AAK kërkon të ndalet presioni dhe cenimi i të drejtave të punëtorëve
Fadil Sertolli / RTKlive
Aleanca për Ardhmërinë e Kosovës (AAK), në seancën e sotme plenare të Kuvendit të Kosovës pritet ta paraqes një Rezolutë për ndaljen e presionit dhe cenimit të të drejtave të punëtorëve në Administratën shtetërore.
Kështu ka bërë të ditur Shefi i Grupit Parlamentar të AAK-së, Besnik Tahiri.
"Ndalja e presionit dhe cenimi i të drejtave të punëtorëve në administratën shtetërore dhe ndërhyrjeve në kompetencat dhe autonominë e komunave. Ekzekutimi i pagave, nisja e dialogut me partnerët social në gjetjen e zgjidhjes për kërkesat e punëtorëve, përmes shtesave dhe Ligjit për Pagat”, ka bërë të ditur Tahiri.
Po ashtu, Grupi Parlamentar i AAK-së kërkon që të ndalet diskriminimi i mësimdhënësve dhe maltretimi i fëmijëve e prindërve.
“Krizat dhe jo-stabiliteti nuk i duhet askujt! Sot, të dalin pagat dhe të vazhdojë normaliteti në vend”, ka thënë Besnik Tahiri i AAK-së.























