Abdixhiku: Heqja e TVSH-së në produktet elementare nuk e dëmton buxhetin
BKT
Lajme

Abdixhiku: Heqja e TVSH-së në produktet elementare nuk e dëmton buxhetin

N.Mekolli /RTKlive

Kryetari i Lidhjes Demokratike të Kosovës (LDK), Lumir Abdixhiku, tha se ajo çfarë është blerë me 100 euro në fillim të vitit të shkuar, duhet të blihet me 150 euro sot.

Ai, në një postim në Facebook, ka shkruar se çmimi i miellit, vajit, bukës, qumështit, vezëve, domateve, patateve, orizit, fasuleve, sheqerit, naftës, benzinës e energjisë elektrike, është rritur për plot 50% në njëzet muajt e fundit.

“Çfarë është blerë me 100 euro në fillim të vitit të shkuar, duhet të blihet me 150 euro sot. Këto nuk janë produkte luksi, e as të zëvendësueshme s’janë. Janë pjesë thelbësore e shpenzimeve mujore për çdo familje në vend”, ka shkruar Abdixhiku.

Sipas tij heqja e TVSH-së vetëm për këto produkte elementare, nuk e dëmton buxhetin e vendit.

“Heqja e TVSH-së e lehtëson dukshëm përballueshmërinë e kosovarëve në këtë krizë të paprecedentë. Ky është propozimi ynë nga marsi i këtij viti”, ka shkruar ai.

Nuk ka asnjë përshkrim të disponueshëm

 


MË SHUME NGA Lajme