Abdixhiku takim me kongersmenin Aderholt, temë mbështetja për Kosovën
BKT
Foto: Lumir Abdixhiku/ Facebook
Lajme

Abdixhiku takim me kongersmenin Aderholt, temë mbështetja për Kosovën

E.Hoti /RTKLive

Kryetari i LDK-së, Lumir Abdixhiku, po vazhdon takimet në SHBA.

Ai sot njoftoi se në Kongresin Amerikan, u prit nga kongresmeni republikan Robert Aderholt.

"Atij fillimisht i urova rizgjedhjen nga gara e javës së kaluar.Kongresmeni Aderholt është një mik i madh i Kosovës", deklaroi Abdixhiku në llogarinë e tij në Facebook.
 
Ai deklaroi se në rolin e bashkudhëheqësit të grupit për çështjet shqiptare, kongresmeni Aderholt  ka shtyrë në vazhdimësi pozicionin e Kosovës në Kongresin Amerikan dhe politikën e jashtme amerikane.
 
"Për këtë e falënderova përzemërsisht. Të njëjtin e ftova për vizitë në Kosovë", deklaroi Abdixhiku, sipas të cilit, populli i Kosovës mbetet falënderues për kontributin e kongresistëve në momente të ndryshme historike.
 
"Për këtë mbështetje kemi nevojë edhe sot".
Abdixhiku ndodhet për vizitë zyrtare në SHBA ku sipas LDK-së, ai do të ketë takime të shumta me zyrtarë të lartë të shtetit amerikan.

 

Abdixhiku zhvillon takime në SHBA, pritet nga senatori Murphy

Kryetari i LDK-së, Lumir Abdixhiku  ka zhvilluar takime në Senatin e Shteteve të Bashkuara të Amerikës,  ku u  prit nga Senatori Christopher Murphy dhe ekipi i tij politik.

Abdixhiku në një postim në Facebook ka njoftuar se në takim është biseduar për zhvillimet e fundit politike në Kosovë dhe rajon.

Ai tha se edhe në Senat  ka shtruar kërkesën për ngritjen e bashkëpunimit bilateral në mes të Kosovës dhe SHBA-ve nëpërmjet ‘Kartës për Partneritet Strategjik’.

“Si anëtar i Komisionit për Punë të Jashtme, Senatori Murphy ka qenë dhe mbetet gjithherë aktiv në rajonin tonë. Në këtë drejtim, kërkesat tona për mbështetje ndaj popullit të Kosovës, institucioneve të Republikës, e aspiratave tona për anëtarësim në aleancën ushtarake të NATO-s, ishin krejt të natyrshme. Po ashtu, në takim u theksua nevoja e bashkëpunimit të ngushtë në fushën e politikës së jashtme, energjetikës e zhvillimit ekonomik”, ka shkruar Abdixhiku .

Sipas tij, mbështetja e Senatit dhe senatorëve nga të gjitha anët, ka prodhuar gjithherë momente historike për vendin tonë.” Këtë mbështetje për shtetin tonë vazhdojmë ta kërkojmë në çdo kohë”, ka shkruar ai.


MË SHUME NGA Lajme