Hoti e Murati, debat në distancë për terminalet dhe çerdhet
BKT
Lajme

Hoti e Murati, debat në distancë për terminalet dhe çerdhet

B. Halimi / RTKlive

Ish-kryeministri Avdullah Hoti dhe ministri i Financave, Hekuran Hoti e kanë zhvilluar një debat në distancë sa i përket kthimit të terminaleve doganore në pronësi të shtetit dhe ndërtimit të çerdheve për fëmijë.

Deputeti i LDK-së, Avdullah Hoti, ka akuzuar partinë në pushtet për ‘shtetëzimin e terminaleve’, pasi sipas tij shpenzimet e tyre do të shkojnë në kurriz të qytetarëve.

“Këta majtistë që po qeverisin i shtetëzuan terminalet doganore. Por tani shpenzimet e terminaleve doganore nuk i paguajnë bizneset, por qytetarët përmes taksave. Shihni buxhetin e Doganës së Kosovës për 2023 dhe dy vitet në vijim: 9.1 mil euro do të shpenzohen për renovim të terminaleve doganore. Këto janë taksa të qytetarëve. Me një vlerësim prej 400-500 mijë euro për ndërtimin e një çerdheje, kjo shumë do të mund të shkonte në ndërtimin e 20 çerdheve për fëmijë”, ka shkruar Hoti.

Por, i menjëhershëm ka qenë reagimi i ministrit Murati, i cili ka shkruar se sa çerdhe i kanë ndërtuar me paratë që kanë kursyer nga privatizimi terminaleve Hoti dhe partia e tij gjatë kohës sa kanë qenë në qeverisje.

“Qeveria jonë po i bën edhe terminalet shtetërore, edhe çerdhet!  Ata para nesh, as terminale, por as çerdhe. Madje edhe ato pak çerdhe që ishin ndërtuar nga komunat, i kanë lënë pa staf. U desh të vinte Qeveria jonë, që të alokohej edhe stafi prej 243 personave për të funksionalizuar çerdhet që kishin mbetur të pafunksionalizuara nëpër komuna”, ka shkruar Murati në “Facebook”.


MË SHUME NGA Lajme