Bislimi njofton zyrtarët në Bruksel për aplikimin e Kosovës në BE
Foto: Qeveria e Kosovës
Lajme

Bislimi njofton zyrtarët në Bruksel për aplikimin e Kosovës në BE

Valmira Saraçi Sahatçiu/RTKlive

Zëvendëskryeministri i parë për Integrim Evropian, Zhvillim dhe Dialog, Besnik Bislimi ka takuar në Bruksel, Simon Mordue, këshilltar kryesor për Politika të Jashtme i Presidentit të Këshillit Evropian, Charles Michel.

Bislimi e ka njoftuar këshilltarin e presidentit të Këshillit Evropian me vendimin e shtetit të Kosovës për aplikim në BE.

“Në këtë takim, këshilltari i Presidentit Charles Michel, u informua mbi vendimin e Kosovës për aplikimin për anëtarësim në Bashkimin Evropian. Kosova gjendet tashmë në vitin e gjashtë të zbatimit të Marrëveshjes së Stabilizim Asociimit”, thuhet në njoftimin e kryeminsitrisë.

Tutje aty thuhet se ka ardhur koha që marrëdhëniet dhe partneriteti me Bashkimin Evropian të shkojë një hap tutje.

“Kosova ka shënuar progres të theksuar, në fusha kyçe në bashkërendimin dhe përafrimin e standarteve me ato të BE-së si në sundim të ligjit, luftën kundër krimit të organizuar dhe korrupsionit, zhvillimin ekonomik e demokratizimin. Progres ky, i riafirmuar edhe nga Raporti për vendin 2022 i Komisionit Evropian.


MË SHUME NGA Lajme