Sveçla takon ambasadorin Westerlund, thellohet bashkëpunimi Kosovë-Suedi
BKT
Foto: Ministria e Brendshme
Lajme

Sveçla takon ambasadorin Westerlund, thellohet bashkëpunimi Kosovë-Suedi

Fadil Sertolli / RTKlive

Ministri i Punëve të Brendshme, Xhelal Sveçla, ka pritur në takim ambasadorin e Suedisë, Jonas Westerlund, me ç’rast e ka njoftuar me prioritet e Ministrisë së Punëve të Brendshme për luftimin e krimit të organizuar dhe korrupsionit.

Përmes një njoftimi për media nga Ministria e Brendshme, bëhet e ditur se gjatë këtij takimi ministri Sveçla, e njoftoi ambasadorin suedez me proceset në të cilat është duke kaluar Republika e Kosovës.

Njëherësh, ministri Sveçla ka kërkuar përkrahjen e mëtejme për proceset integruese të vendit tonë.

Në anën tjetër, ambasadori Westerlunde falënderoi ministrin Sveçla për pritjen dhe shprehi gatishmërinë për vazhdimin e bashkëpunimit në mes Suedisë dhe Republikës së Kosovës.


MË SHUME NGA Lajme