20:28 / 11.12.2022
Kryediplomatja gjermane: Kosova uli tensionet, Serbia bëri të kundërtën
Afet Bela/ RTKlive
Shefja e diplomacisë gjermane, Analena Baerbock, ka thënë se sugjerimi për dërgimin e forcave serbe në Kosovë është krejtësisht i papranueshëm.
“Kosova uli tensionet duke shtyrë zgjedhjet lokale. Retorika e fundit nga Serbia bëri të kundërtën. Sugjerimi për dërgimin e forcave serbe në Kosovë është krejtësisht i papranueshëm”, ka shkruar ajo në Twitter.
Sipas saj edhe sulmet e fundit ndaj misionit të EULEX-it në Kosovë janë të papranueshme. “E gjithë mbështetja ime shkon për dialogun e udhëhequr nga BE dhe Miroslav Lajcak”, ka shkruar ajo.
























