Në përvjetorin e ushtrisë, Mehaj uron gardianët e lirisë
BKT
Foto: Armend Mehaj/ Facebook
Lajme

Në përvjetorin e ushtrisë, Mehaj uron gardianët e lirisë

E.Hoti/RTKlive

Ministri i Mbrojtjes, Armend Mehaj, ka thënë se përvjetori i katërt i Forcës me mandatin e Ushtrisë së Republikës së Kosovës e gjen atë me suksese të mëdha dhe me vizion të qartë.

Në një postim në Facebook, Mehaj ka shkruar se përkundër sfidave të ndryshme, rrugëtimi me vizion të qartë është i pandalshëm.

“Ushtri me ushtarakë me moral të lartë, të arsimuar, stërvitur, të pajisur dhe të gatshëm për realizimin e misionit të shenjtë në mbrojtje të Atdheut dhe qytetarëve tanë.

Ushtri e ndërtuar, zhvilluar dhe avancuar mbi gjakun, djersën e mundin e heronjve, dëshmorëve e martirëve të kombit ndër breza”, ka shkruar Mehaj në Facebok .

Në katërvjetorin e themelimit të ushtrisë, Mehaj ka uruar qytetarët e Kosovës dhe ushtarakët e saj duke i quajtur ata gardianë të lirisë.

“Urime qytetarë të dashur!Urime ushtarakë, ju gardianë të Lirisë e Republikës sonë!”, shkroi Mehaj në Facebook.


MË SHUME NGA Lajme