Kërkohet të rritet vetëdija për ruajtjen e trashëgimisë kulturore
BKT
Kulturë

Kërkohet të rritet vetëdija për ruajtjen e trashëgimisë kulturore

V. Thaçi / RTKlive

“Aspekte dhe sfida të edukimit në trashëgimi kulturore”, ishte tema e mbajtur në konferencën vjetore të Këshillit të Kosovës për Trashëgimi Kulturore.

Zanita Halimi, kryetare e Bordit të Këshillit të Kosovës për Trashëgimi Kulturore, tha se është e domosdoshme që të rritet vetëdija për ruajtjen e trashëgimisë kulturore.

“E vetmja mënyrë për të shpëtuar këto arritje është transmetimi i njohurive. Rëndësia e edukimit për trashëgimi kulturore është e padiskutueshme, përpjekjet për ta ruajtur trashëgiminë kulturore është rritur kudo në botë kohëve të fundit”, tha Halimi.

Ajo shtoi se përmes trashëgimisë kulturore marrim njohuri, por atyre u bashkohet edhe aftësia për reflektim të të rinjve”, ka thënë ajo.

Kurse këshilltarja e ministrit të Kulturës, Nora Arapi tha se gjatë këtij viti kanë zhvilluar dy programe dhe kanë ndërmarrë masa emergjente me qëllim të mbrojtjes se trashëgimisë kulturore.

“Në fushën e mbrojtjes së trashëgimisë kulturore kemi ndërmarrë masa emergjente dhe programe të restaurimit. Gjatë këtij procesi kemi qenë në bashkëpunim me Këshillin e Kosovës për Trashëgimi Kulturore. Edukimi, vetëdijesimi dhe promovimi i vlerave të trashëgimisë kulturore si burim i identitetit dhe njëkohësisht si potencial i qëndrueshëm është jetik. Jemi të vetëdijshëm që këtu qëndrojmë më keq, rezultatet nuk janë ato qe kanë qenë të pritshme”, ka shtuar Arapi.


MË SHUME NGA Kulturë