17:37 / 20.12.2022
Kurti në drekë me ministrin Dendias, vlerësohen raportet e mira bilaterale
M.Shefkiu/RTKlive
Kryeministri i Kosovës, Albin Kurti, priti në një drekë pune ministrin e Jashtëm të Greqisë, Nikos Dendias, me të cilin biseduan për mundësitë e thellimit të marrëdhënieve ndërmjet Kosovës dhe Greqisë.
Sipas një njoftimi për media, në këtë takim u theksuan raportet e shkëlqyeshme ekzistuese ndërmjet të dyja vendeve.
Sipas njoftimit për medie, kryeministri Kurti ka theksuar perspektivën evropiane të Kosovës si dhe për aspiratat e Republikës së Kosovës për integrimin e mëtutjeshëm në organizata ndërkombëtare.
“Po ashtu, u bisedua për çështjet aktuale, zhvillimet rajonale, si dhe perspektivën zhvillimore dhe integruese të Ballkanit Perëndimor”, thuhet në njoftim.























