KFOR-i është duke hetuar incidentin e mbrëmshëm me armë në Zubin Potok
BKT
Foto:Arkiv
Lajme

KFOR-i është duke hetuar incidentin e mbrëmshëm me armë në Zubin Potok

M.Shefkiu/RTKlive

Paqeruajtësit e KFOR-it janë duke hetuar incidentin e mbrëmshëm me armë zjarri që ndodhi në afërsi të patrullës së KFOR-it në veriun e Kosovës. Në një komunikatë për media lëshuar sot, KFOR-i thotë se në incident janë përfshirë persona të panjohur të armatosur në zonën e Zubin Potokut, derisa thuhet se nuk ka të lënduar apo dëme materiale.

Paqeruajtësit thonë se janë duke punuar për zbardhjen e të gjitha fakteve në këtë rast.

“Presim që të gjithë aktorët të përmbahen nga shfaqjet provokuese të forcës dhe të kërkojnë zgjidhjen më të mirë për të garantuar sigurinë dhe sigurinë e të gjitha komuniteteve. Ne u kërkojmë të gjitha palëve të ndihmojnë në mundësimin e sigurisë dhe lirisë së lëvizjes në Kosovë dhe të parandalojnë tregimet çorientuese që të ndikojnë në procesin e dialogut”, thuhet në komunikatë.

KFOR-i thotë se kërkon nga të gjitha palët që të ndihmojnë në sigurimin dhe lirinë e lëvizjes në Kosovë dhe të parandalojnë narrativat mashtruese që të ndikojnë në procesin e dialogut.

“Komandanti i Misionit të KFOR-it të udhëhequr nga NATO vazhdon të mbështesë dialogun për gjetjen e marrëveshjes për mbrojtjen e tensioneve në veri të Kosovës. Ai mbetet në kontakt të ngushtë me të gjithë ata që janë përfshirë në këtë proces”, thuhet më tej në komunikatën e KFOR-it.

Paqeruajtësit thotë se kanë shtuar praninë dhe patrullimet e tyre gjatë muajve të fundit.

“Ne mbetemi vigjilentë dhe plotësisht të aftë për të përmbushur mandatin tonë sipas Rezolutës 1244 të vitit 1999 për të gjitha komunitetet në Kosovë. Zgjidhjet duhet të kërkohen përmes dialogut”, thuhet në fund të komunikatës lëshuar nga KFOR-i.


MË SHUME NGA Lajme