Hovenier: Asociacioni duhet të themelohet, nuk ka alternativë
BKT
Lajme

Hovenier: Asociacioni duhet të themelohet, nuk ka alternativë

J.Musliu/RTKlive

Në takimin e fundit me gazetarë për vitin 2022, ambasadori i ShBA-së në Kosovë, Jeffrey Hovenier, është pyetur për disa çështje.

Mes tyre edhe në lidhje me themelimin e Asociacionit të Komunave me Shumicë serbe.

Duke folur për këtë temë, ai ka deklaruar se themelimi i këtij Asociacioni nuk ka opsion dhe se kjo është një marrëveshje ligjërisht e obligueshme.

Ai deklaroi se Kosova e ka marrë përsipër ta realizojë. “Mbetet një qëndrim i qartë politik i SHBA-së”, tha Hovenier.

“Është një marrëveshje ligjërisht e obligueshme të cilën Kosova e ka marrë përsipër”.

Sipas tij, Asociacioni është një marrëveshje ligjërisht e obligueshme që është konfirmuar nga Kuvendi i Kosovës.

“Shtetet nuk  mund të vendosin se çfarë marrëveshje ligjërisht të obligueshme e implementojnë apo s’e implementojnë. Ato janë marrëveshje ligjërisht të obligueshme”.

Ai deklaroi se Kosova është një shtet që ndjek zbatimin e ligjit.

 “Pritja jonë është që Kosova e implementon Asociacionin e Komunave me Shumicë Serbe”.

Hovenier deklaroi se SHBA-ja beson fuqishëm që është edhe në interesin e Kosovës që ta bëjë një gjë të tillë.

“Ky është një element i rëndësishëm kësaj përpjekjes së gjerë për të përshpejtuar normalizimin e raporteve në mes të Kosovës dhe Serbisë”.

Ambasadori amerikan deklaroi se pa marrë parasysh Serbinë, kjo është një gjë shumë e rëndësishme për Kosovën.

“Serbët e Kosovës janë qytetarë të Kosovës, banorë të Kosovës, ata gëzojnë të drejtat në Kosovë, ata duhet të marrin të drejtat dhe mbrojtjen nga shtetit sikur të gjithë qytetarët e Kosovës”.


MË SHUME NGA Lajme